Paris: Filloi takimi mes Kurtit dhe Borellit

Kryeministri Albin Kurti është takuar me Përfaqësuesin e Lartë të BE-së, Josep Borrell, sot në Paris. Pas Kurtit, Borrell do të takohet edhe me presidentin serb, Aleksandar Vuçiq.

Siç ka njoftuar dje Bashkimi Europian,, takimet e Borrellit me dy liderët ballkanikë po bëhen për shkak të situatës së krijuar në Kosovë, si dhe diskutimin mbi avancimin e dialogut që lehtësohet nga BE-ja. Takimi mes tyre ka filluar nga ora 10:30.

“Për t’i vazhduar përpjekjet e BE-së për t’i ndihmuar Kosovën dhe Serbinë që të depërshkallëzojnë, të zbusin tensionet aktuale dhe të avancojnë dialogun e lehtësuar nga BE-ja, Josep Borrell do të takohet me Albin Kurtin dhe me Aleksandar Vuçiqin në Paris, në takime të ndara”, ka shkruar dje zëdhënësi i BE-së, Peter Stano, në Twitter.