Kriza në Ukrainë
Parlamentarët zviceranë vizitojnë qytetin e çliruar ukrainas, Irpin
"Vizita e "Irènës" ishte më shumë se një shenjë solidariteti. Duhet guxim për ta bërë këtë dhe është një shenjë e qartë e mbështetjes", ka thënë kryeparlamentari ukrainas
Kryetarja e Dhomës Nacionale të Parlamentit të Zvicrës, Irène Kälin (Partia e Gjelbë) dhe tre kolegë të saj, deputetë, janë aktualisht në vizitë në Ukrainë.
Delegacioni parlamentar ka mbërritur në Kiev herët në mëngjes të së mërkurës, me tren, nga Polonia, transmeton albinfo.ch. Pas kësaj, ata kanë vizituar qytetin në periferi të Kievit, Irpin.
Zbulimi i krimeve të luftës në afërsi të kryeqytetit Kiev pas tërheqjes së trupave ruse kishte shkaktuar tmerr në mbarë botën, jo vetëm në Irpin por edhe në Bucha.
Nuk kiste pasur forca ushtrarake (ukrainase) në Irpin, thanë zyrtarët lokalë gjatë vizitës së delegacionit zviceran, shkruan srf.ch. Ushtria ruse kishte sulmuar dhe shkatërruar shkollat dhe shtëpitë private. Qytetet Irpin dhe Bucha tani janë rimarrë nga ushtria ukrainase.
Në delegacionin parlamentar të Zvicrës, përveç kryetares Irène Kälin, bëjnë pjesë edhe: Nik Gugger (EPP/ZH), Yves Nidegger (SVP/GE) dhe Roger Nordmann (SP/VD). Në delegacion janë edhe ambasadori i Zvicrës në Ukrainë, Claude Wild dhe Artem Rybchenko, ambasadori i Ukrainës në Bernë.
Ky udhëtim është zhvilluar me ftesë zyrtare të Kryetarit të Parlamentit të Ukrainës, Ruslan Stefantschuk, transmeton albinfo.ch. Ky i fundit është shprehur se vizita e “Irènës” ishte më shumë se një shenjë solidariteti. Duhet guxim për ta bërë këtë dhe është një shenjë e qartë e mbështetjes, kanë theksuar shërbimet parlamentare.
Udhëtimi i katër anëtarëve të Këshillit Kombëtar u njoftua vetëm të martën. Me këtë udhëtim, delegacioni parlamentar dëshironte të shprehte solidaritetin e Zvicrës me popullsinë ukrainase dhe mbështetjen për homologët e tyre në Ukrainë.
Të ngjashme
Të tjera nga Kriza në Ukrainë
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane