Pasivizimi i adresave, shumë shqiptarë në Luginë nuk patën mundësi të votojnë

Pjesëmarrje e ulët e shqiptarëve u raportua sot në procesin e votimit në zgjedhjet parlamentare në Serbi.

Pasivizimi i adresave ka bërë që shumë shqiptarë të Luginës së Preshevës të mos mund të shfrytëzojnë të drejtën për të votuar, transmeton albinfo.ch.

Në një deklaratë për RTK-në, qytetarë që ishin duke pritur për të votuar në Luginë, shumë prej tyre nuk e gjenin veten në lista zgjedhore dhe për pasojë nuk arritën të votonin.

Çështja e pasivizimit të adresave të shqiptarëve nga Serbia është problem tash e një kohë, derisa Serbia po tenton që përmes kësaj forme të shkaktojë ‘spastrim etnik’ të shqiptarëve të Luginës, gjë për të vilën është alarmuar edhe faktori ndërkombëtar.