Paviza.eu, faqja e re për udhëtimet e qytetarëve të Kosovës në zonën Schengen

Qytetarët e Kosovës tani mund të konsultojnë rregullat e Schengenit në Paviza.eu

Së fundmi, Ministria e Punëve të Brendshme ka njoftuar për publikimin e faqes së re Paviza.eu për të informuar qytetarët për rregullat e udhëtimit në zonën Schengen, përcjell albinfo.ch.

Kjo faqe, sipas njoftimit përmban të gjitha informatat e nevojshme dhe veglat ndihmëse për planifikimin e udhëtimit në BE sipas rregullave. Informatat dhe veglat janë të ndara në faqe të veçanta për qasje të lehtë.

Për çka mund të informoheni në këtë faqe:

Udhëzime të thjeshta për udhëtim: Këtu janë informatat kryesore për vizita deri në 90 ditë për turizëm, vizita familjare ose biznes. Këtu gjinden gjithashtu informatat për sistemin e ri të regjistrimit të hyrjeve dhe daljeve, Entry/Exit System (EES).

Listë kontrolli për udhëtarë: Këtu është lista me dokumentet e nevojshme për udhëtim në zonën Schengen.

Kalkulatori i qëndrimit: Është një mjet i thjeshtë që ndihmon në llogaritjen e ditëve të qëndrimit në zonën Schengen.

Për më shumë informacion, vizitoni faqen zyrtare: www.paviza.eu

 

---