Për 9 muaj janë shitur 68.4 milionë makina të reja në tërë botën

Marka japoneze "Toyota" është lider sa i përket shitjes në tregjet botërore në 9 muajt e parë të vitit, shkruan në analizën e agjencisë "Focus2move", përcjell albinfo.ch.

Sipas informatave për periudhën 1 janar deri më 30 shtator 2016, “Toyota” është brendi që ka shitur më shumë se 6,238,429 makina të reja në gjithë botën. Në këtë mënyrë “Toyota” përsërit rezultatet për të njëjtën periudhë të vitit të kaluar.

Pastaj vijnë “Volkswagen” me 4,848,683 automjete të shitura dhe “Ford” me 4.665.256. Kompania gjermane u rrit me 0.1%, ndërkohë që amerikanët ishin me 2.7%. Pason “Nissan” me 3.621.000 (+ 3,8%), “Hyundai”, – 3.563.000 (+0,1), “Honda”, – 3.492.501 (+6,6), “Chevrolet”, – 2,958. 719 (-8,6) dhe “Kia” – 2.446.112 (+4,8).

Dy vendet e fundit në top 10 janë “Renault” dhe “Mercedes-Benz”. Marka franceze ka shënuar rritjen më të lartë të shitjeve në krahasim me 2015. Bëhet fjalë për 14.8% dhe arriti në 1,739,119 shitje. Gjermanët gjithashtu janë rritur shumë me 10.8%, dhe rezultojnë në top brendet  për 9 muajt e parë me 1,722,831 njësi.

Në total për 9 muajt e parë të vitit 2016 në mbarë botën u shiten 68.4 milionë makina të reja, deri 3.8% për të njëjtën periudhë të vitit të kaluar.