Përfundon regjistrimi në Serbi, mbi 100 mijë shqiptarë të regjistruar, mes tyre edhe diaspora

Numri i shqiptarëve që jetojnë në Serbi kalon shifrën prej 100 mijë. Këto rezultate preliminare vijnë teksa edhe zyrtarisht është përmbyllur procesi i regjistrimit ku shqiptarët i janë përgjigjur në mënyrë masive. Mes të regjistruarve, mësohet se përveç banorëve rezidentë, janë regjistruar edhe shqiptarët që jetojnë në diasporë, transmeton Albinfo.ch.

Kryeshef i Administratës Komunale të Preshevës, në ditën e fundit të procesit të regjistrimit tha se në Preshevë u regjistruan 95 mijë e 5 njerëz të regjistruar, në Bujanoc 54 mijë e 506 persona të regjistruar dhe në Medvegjë 8 mijë e 475 njerëz të regjistruar.

Ndërkohë, presidenti serb, Aleksandër Vuçiq, gjatë javës së kaluar provokoi duke thënë se shifra që do të dalë nga regjistrimi i popullatës nuk do të tregojë numrin real të shqiptarëve në Serbi, pasi tha se shumë familje në Bujanoc, Preshevë dhe Medvegjë regjistrojnë anëtarë që nuk jetojnë në Serbi.