Përkrahja gjermane për prodhimin e energjisë nga biogazi

Prej 18 deri më 22 mars udhëton një delegacion i Institutit të Universitetit të Bremenit në kryeqytetin shqiptar që në terren të asistojë në ngritjen e një laboratori të biogazit

Deri më 8 mars një ekip katëranëtarësh nga Universiteti Politeknik i Tiranës ishte për vizitë në Universitetin e Bremenit. Qëllimi i kësaj vizite ishte workshop-i pesëditor me temë “Biogazi” në Institutin për Energji dhe Mjedis. Në fakt, mysafirët nga Tirana kanë mësuar sesi gazi bio, i cili përfitohet nga “llum zeza” (mbetjet e spastrimit të ujërave të zeza) dhe substrateve organike, të përdoret për përfitim të energjisë. Prej 18 deri më 22 mars udhëton një delegacion i Institutit të Universitetit të Bremenit në kryeqytetin shqiptar që në terren të asistojë në ngritjen e një laboratori të biogazit. 
Trajnimi është bërë me kërkesë të Bashkësisë Gjermane për Bashkëpunim Ndërkombëtar.

Aktualisht në Shqipëri më pak se dhjetë për qind e vëllimit të përgjithshëm të ujërave të zeza është përpunuar në tri pika qendrore. Shqipëria gjatë këtij viti tenton ta marrë statusin e vendit kandidat në BE, atëherë përmbajtja standardeve të BE-së, e në këtë rast, trajtimi i ujërave luan një rol të rëndësishëm. Përveç kësaj, Shqipëria rreth një të tretën e nevojave të saj energjetike i plotëson me import të energjisë. Me një rritje vjetore të nevojave për energji prej gjashtë për qind, rritet varësia e vendit prej importeve nga vendet e tjera. 

Futja në lojë e teknologjisë së biogazit, së bashku me investimet e ardhshme të mëdha në këtë fushë, do të sjellin përfitime të mëdha ekonomike dhe mjedisore.