Përleshje mes mërgimtarëve dhe policisë në Merdar, shkak tejkalimi i kolonës (Video)

Skena të papara në Merdare, burra e gra mërgimtarë shtyhen e grushtohen me polici, arsye kolona

Disa persona janë konfrontuar sot me pjesëtarë të Policisë së Kosovës në pikën e kalimit kufitar në Merdar, përcjell albinfo.ch.

Nga Policia e Kosovës për Reporteri.net kanë dhënë detaje për rastin.

Si pasojë e përleshjes janë lënduar dy policë, ka thënë zëdhënësja e policisë, Flora Ahmeti.

Ajo ka thënë patrulla e policisë është sulmuar nga persona të dyshuar.

“Sot rreth orës 10:00, në Merdar ka ndodhur një incident, ku patrulla e policisë është sulmuar nga persona të dyshuar. Në këtë rast lëndime trupore kanë pësuar dy zyrtarë policorë.

Pas vënies nën kontroll të situatës dhe shoqërimit në stacion të tre personave të dyshuar, policia në koordinim me prokurorin e shtetit kanë nisur një hetim për veprën Sulm ndaj personit zyrtar”, ka thënë Ahmeti.

https://www.facebook.com/watch/?ref=embed_video&v=1053942542491167

---