Kosova
Përmbysje e madhe, LDK humb bastionin kryesor që kishte për 20 vjet
Qytetarët e Podujevës dje janë rreshtuar ndryshe politikisht, duke vendosur që me votën e tyre të ndryshojnë qeverisjen në Komunë. Ata, për dallim nga zgjedhjet e fundit të mbajtura në vitin 2017, kanë favorizuar kandidatin e Lëvizjes Vetëvendosje. Kjo parti e ka rritur mbështetjen me mbi 20 për qind, ndërsa LDK ka pësuar rënie të madhe të mbështetjes, e vota ndjeshëm ka humbur edhe PDK, përcjell albinfo.ch.
Shpejtim Bulliqi i LVV-së e ka fituar postin e kryetarit të Podujevës pa pasur fare nevojë për balotazh, duke marrë mbështetje të elektoratit edhe më shumë se sa Agim Veliu më 2017, i cili postin e të parit të komunës e kishte fituar në rundin e dytë.
Në bazë të rezultateve preliminare të publikuara mbërmë nga KQZ, Shpejtim Bulliqi i VV-së ka marrë 51.64 për qind të votave, Nexhmi Rudari i LDK-së 35.97 për qind të votave, ndërsa Naim Fetahu i PDK-së 12.40 për qind.
Krahasuar me vitin 2017, LVV në zgjedhjet e djeshme e ka rritur mbështetjen me më shumë se 20 për qind të votës.
Shifrat e përqindjeve të viteve 2017 me ato të 2020, del se LDK ka pësuar rënie të përkrahjes në masën 12.18 për qind, ndërsa PDK 5.76 për qind. Ndryshe nga këto dy parti, LVV e ka rritur përkrahjen për 21.87 për qind. /Albinfo.ch
Të ngjashme
Të tjera nga Kosova
E-Diaspora
-
Promovohet në Cyrih platforma “Putpuri”, nga Prishtina Të premten, më 5 prill, platforma botuese e pavarur dhe nisma bashkëpunuese ndërmjet Prishtinës dhe Cyrihut,...
-
Më 7 prill, edicioni i tretë i panairit të librit shqip në SHBA
-
‘Vallja kosovare’ jehon në Universitetin e Gjenevës (Video)
-
Iu gjet drogë në shtëpi, arrestohet shqiptari në këtë shtet
-
Në aeroportin e Bazelit anulohet fluturimi për në Prishtinë, mërgimtarët ankohen
Jeta në Zvicër
-
Frangu zviceran po dobësohet kundrejt euros Një vështrim në tremujorin e parë tregon se franga po humbet më shumë kundrejt euros sesa...
-
Bislimi e Jashari nuk pritet të përzgjidhen nga Zvicra për Evropian
-
Ku janë restorantet ‘më të mira’ në Zvicër?
-
Zvicra duhet të forcojë kontrollin e sektorit të saj financiar, paralajmëron FMN
-
Trafiku i dendur edhe sot, bllokohen autostradat zvicerane