Përplasen maunia nga Maqedonia dhe autobusi gjerman, dy persona të lënduar

Një banore 68-vjeçare gjermane e Rosenheimit në Gjermani, ka dashur të shkëputet nga autostrada në drejtim të Salzburgut në A8, në daljen Irschenberg, por me një shpejtësi shumë të vogël, gjë të cilën një autobus udhëtarësh nga Miesbachu e ka vërejtur shumë vonë, duke shkaktuar pasoja të rënda.

Policia gjermane në Holzkirchen ka lëshuar një komunikatë. “Të hënën rreth orës 14.15, një shtetase 68-vjeçare gjermane e veturës së llojit VW, nga rrethina e Rosenheimit, ka qenë duke drejtuar veturën në drejtim të Salzburgut dhe ka dashur të shkëputet nga autostrada, në daljen e Irschenbergut. Me këtë rast, ajo ka vozitur shumë ngadalë”, shkruan “Merkur”, përcjell Albinfo.ch.

Veprimin e saj e ka hetuar shumë vonë një vozitës 52-vjeçar autobusi nga rrethina Miesbach, duke e goditur veturën e saj. Një tjetër vozitës 64-vjeçar maqedonas i maunës, gjithashtu nuk ka mundur të ndalojë duke e goditur autobusin nga prapa.

Gjatë këtij aksidenti, lëndime të lehta kanë marrë vozitësja e veturës dhe e autobusit, ndërsa është shkaktuar një dëm i përgjithshëm prej 64.000 eurosh. Persona të tjerë nuk janë lënduar pasi autobusi ka qenë pa udhëtarë, shkruan me tej Albinfo.ch.

Për shkak të përkujdesjes së automjeteve të dëmtuara, në këtë pjesë të autostradës është shkaktuar kolonë e konsiderueshme.