Përplasja te Baseli, ‘shpërthen’ Granit Xhaka

Skuadra e njohur zvicerane ndodhet në një situatë të vështirë

Baseli ka pasur rënie të formës në vitet e fundit dhe për këtë arsye po mungojnë edhe trofetë, ku më parë ishte bindshëm skuadra më e mira zvicerane në vend, por edhe në garat ndërkombëtare, shkruan albinfo.ch.

Baseli së fundi u mposht në shtëpi nga Luzern 2:3, duke u renditur në vendin e gjashtë në tabelë.

Pas ndeshjes ka ardhur një përplasje mes Fabien Frei dhe Taulant Xhakës dhe është dashur intervenimi i shokëve për tu ndarë, ndërsa mbetet të shihet se cilat do të jenë masat nga klubi.

Pas gjithë kësaj ka reaguar edhe Granit Xhaka, ish futbollist i Baselit.

“Ekipi nuk mund të funksionojë. Të vetmit për të cilët më vjen keq janë tifozët. Ata ju mbështesin çdo javë dhe ky është shpërblimi? Ju duhet të keni turp për atë që ndodhi me klubin!!. E pabesueshme”, ka shkruar Xhaka, i cili mori shumë komente pozitive nga tifozët e Baselit.

---