Pesë njerëzit më të pasur në botë, nuk ka evropianë

Në mesin e pesë njerëzve më të pasur në botë, nuk ka miliarderë nga Evropa.

Përfaqësuesit e kontinentit të vjetër ranë nga pesë të parët, pasi magnati francez, Bernard Arnalut, ra në vendin e shtatë në indeksin e fundit të Bloombergut të miliarderëve, shkruan albinfo.ch.

Në vend të parë është Jeff Bezos, pronar i platformës tregtare online «Amazon», i dyti është Bill Gates, pronari i Microsoft dhe vendi i tretë është Warren Buffett, një investitor amerikan.

Në vendin e katërt është Mark Zuckerberg, themeluesi i Facebook-ut dhe i pesti është magnati i telekomunikacionit, Carlos Slim.

Indeksi i miliarderëve është treguesi më i fundit i ndryshimeve në rishpërndarjen e pasurisë botërore. Shumica e pasurisë është e përqendruar në Azi dhe në Shtetet e Bashkuara. Amerikanët zotërojnë 40% të pasurisë së listës, banorët e Azisë 25%, ndjekur nga evropianët me 21%. Shtatë nga dhjetë njerëzit më të pasur janë amerikanë.