Pesë vjet burg për zjarrfikësin piroman

Përkundër faktit se në asnjërin nga zjarret nuk ka pësuar askush, shpërthimi i flakëve ka paraqitur gjithmonë rrezik për rrethin

Një gjykatë në Mutier të Bernës ka dënuar sot me pesë vjet heqje lirie një zjarrfikës i cili u kishte vënë 14 herë qëllimshëm zjarrin ndërtesave të ndryshme dhe dy herë të tjera kishte provuar t`u vinte zjarrin

Trupi gjykues ka vendosur që zjarrfikësi 27 vjeçar t`i nënshtrohet një terapie mjekësore psikiatrike ambulatore.

Përkundër faktit se në asnjërin nga zjarret që i vihen barrë atij nuk ka pësuar askush, shpërthimi i flakëve ka paraqitur gjithmonë rrezik për rrethin, ka thënë kryetari i trupit gjykues

Prokurori në padinë e tij kishte kërkuar tetë vjet e gjysmë heqje lirie për të akuzuarin ndërsa sipa mbrojtjes ai nuk duhej të merrte më shumë se tre vjet burg, gjysma me kusht.

Vetë zjarrfikësi ka pranuar para trupit gjykues se ka qenë autor i zjarrvënieve. Këto veprime ai i ka arsyetuar me “probleme personale”.