Pique kërkon fitoren ndaj Shqipërisë

Të shohim nëse e fitojmë këtë ndeshje dhe të kualifikohemi për në fazën finale të Botërorit, gjë që është shumë e rëndësishme"

Spanja është kundërshtarja e radhës e Shqipërisë në kualifikimet për Botërorin 2018 në futboll.

Spanjollët kryesojnë Grupin G dhe me Shqipërinë takohen më 6 tetor. Fitoren e ka kërkuar në një deklaratë edhe qendërmbrojtësi i Barcelonës, Gerard Pique.

“Të shohim nëse e fitojmë këtë ndeshje dhe të kualifikohemi për në fazën finale të Botërorit, gjë që është shumë e rëndësishme. Është gjithnjë emocionuese të marrësh pjesë në një event si Kupa e Botës”, tha qendërmbrojtësi i Barcelonës, shkruan “Top-Channel”.

Spanja është në krye të Grupit G me 22 pikë, 3 më shumë se Italia e vendit të dytë, ndërsa kombëtarja shqiptare është në vendin e tretë me 13 pikë.