Plagoset duke mbrojtur lokalin, sulmuesi kërkonte të holla

Në fillim të javës së kaluar, në Emmenbrücke LU, bashkëpronari i një bari privat është qëlluar me armë zjarri. Ai është i tronditur dhe i shqetësuar, thotë partneri i tij i biznesit

“Rreth orës 11.00, një person erdhi në barin tonë”, thotë Arben Osmanaj (31), i cili së bashku me një partner biznesi, drejton barin privat “Balkan Black Bull” në rrugën “Rüeggisingerstrasse” në Emmen. Fillimisht, i panjohuri kishte shkuar në tualet dhe pastaj kishte dalur me një armë në dorë. “Ai kërkoi para nga partneri im i biznesit”, thotë Arbeni. “Mysafirët u frikësuan dhe u fshehën nën tavolina”.

Partneri i tij i biznesit kishte rezistuar dhe ishte grindur me sulmuesin. “Pastaj ai qëlloi, ndërsa plumbi e shpo murin”, thotë më tej Arbeni, përcjell Albinfo.ch. Pastaj sulmuesi u arratis. “Partneri im i biznesit e ndoqi edhe jashtë. Atje, ai shtiu edhe dy herë dhe me këtë rast, partnerin tim e qëlloi në këmbë”.

Sipas Arben Osmanajt, sulmuesi nuk e ka pasur vëmendjen e tij tek bari, por në partnerin e tij të biznesit: “Në bar nuk ka shumë të holla për t’u marr”. Asaj mbrëmje, miku i tij me vete ka pasur një sasi të madhe parash.

Restoranti është një bar privat. Arbeni: “Vetëm miqtë tanë mund të hyjnë dhe të dalin jashtë”. Nëse ndokush do të shkojë në bar, fillimisht duhet cingërruar në dyert e hyrjes – pastaj operatorët nëpërmjet kamerës mund të shohin se kush është jashtë, transmeton Albinfo.ch. “Partneri im mendoi se autori i veprës ishte një mik i imi dhe e lejoi të hyjë brenda”, spjegon Arbeni.

Deri në këtë incident, bashkëpronarët asnjëherë nuk kanë përjetuar diçka të ngjashme: “Me përjashtim të një prishje të qetësisë së natës, ne këtu asnjëherë nuk kemi pasur probleme. Ne jemi të tronditur dhe të shokuar”, vazhdon Arbeni. Për fat të mirë, situata nuk u përkeqësua. “Partneri im i biznesit tani është në shtëpi dhe ankohet në dhimbje. Ne u dëmtuam, por ai është viktima e vërtetë”, përfundon ai, informon Albinfo.ch.

Pas incidentit, Policia e Lucernit arrestoi dy të dyshuar. Por, mbetet ende e paqartë nëse ata kanë të bëjnë lidhur me ngjarjen. Policia ende është në kërkim të dëshmitarëve. Sulmuesi i panjohur ishte rreth 1.90 deri në 2 metra i gjatë dhe mbante një xhaketë të zezë me kapelë e pantallona të zezë. Sipas deklaratave të viktimës, ai kishte folur në një gjuhë të çaluar gjermane.

---