Plaku 80 vjeç kalon 17.000 km me autostop

Rruga e gjatë, nga Anglia në Afrikë të Jugute ka çuar atë nëpër 21 shtete dhe në tri kontinente

Mike Howwitt ka bërë plot 17 mijë kilometra autostop për të çuar në vend kujtimin e të shoqes së vdekur. Në fakt ai, me hirin nga urna e bashkëshortes, Diana ka ecur plot 56 ditë në Afrikën e Jugut për ta shpërndarë atje në Kapetown.

Shumë më marrin për të çmendur, dhe ndoshta kanë të drejtë”, thotë ai dhe shton se nuk i bën shumë përshtypje se çfarë mendojnë të tjerët për të.

Nga mesi i shtatorit ka marrë një letër me mbishkrimin “Cape Town” në dorën e majtë, është ndalur skaj rrugës në Leicester duke e mbajtur gishtin e madh të dorës së djathtë lartë.

56 ditë më vonë, me 17 mijë kilometra që i ka lënë mbrapa vetes, plaku vital ka arritur në cak. Rruga e gjatë e ka çuar atë nëpër 21 shtete dhe në tri kontinente. Këtë rrugë ai e ka bërë me automobila, me kamionë, me tragete mandej me riksha dhe me karroca kuajsh.

Howitt thotë se gjatë këtij rrugëtimi unikal ka njohur njerëz të mrekullueshëm dhe ka fituar përvoja të shumta që do ta pasurojnë jetën e tij. Kështu, ai flet me adhurim për qytetin e gurtë, Petra në Jordani, pastaj për një natë nën qiellin me yje në Sudan, kur nuk kishte mundur të gjente vend për të fjetur. Në Afrikë atij i është dashur edhe t`i paguante ata që e merrnin në veturë.

Në Cape-town Howitt ka derdhur hirin e të shoqes së vdekur dhe pastaj ka mbledhur të holla për të ndihmuar shtëpinë epleqve në Leicester ku bashkëshortja i kishte kaluar orët e fundit