Po afrohet meçi i shumëpritur i Haxhi (Robin) Krasniqit

Meçi do të zhvillohet të shtunën, ku Krasniqi është i bindur në fitore dhe më pas të fitojë të drejtën për të garuar në kategori më të rënda dhe të shpallet kampion i botës

©keystone

Boksieri shqiptar, Haxhi Robin Krasniqi është duke u stërvitur për njërin nga meçet më të rëndësishme në karrierën e tij ndaj Arthur Abraham, njofton albinfo.ch.

Meçi do të zhvillohet të shtunën, ku Krasniqi është i bindur në fitore dhe më pas të fitojë të drejtën për të garuar në kategori më të rënda dhe të shpallet kampion i botës.

“Kam ushtruar shumë dhe kjo do të shihet të shtunën. Dua të bëhem kampion i botës”, ka thënë Krasniqi.

Ai ka shtuar se ka respekt për kundërshtarin, por fitorja do t’i takojë atij.  Meçi po pritet me interesim të jashtëzakonshëm edhe nga atdhetarët në Gjermani, që priten t’i japin një mbështetje të madhe, ashtu siç i kanë dhënë deri më tani.