Policia e Kosovës ndalon 41 lëmosh-kërkues të Shqipërisë

Pas identifikimit të tyre, është konstatuar se të njëjtit janë duke qëndruar në mënyrë të pa rregullt bazuar në Ligjin për të Huaj

Drejtoria për Migrim dhe të Huaj e Policisë së Kosovës ka ndaluar sot në Prishtinë, 41 shtetas nga Shqipëria, prej të cilëve 18 janë fëmijë dhe 23 të rritur, të cilët kishin hyrë ilegalisht në Kosovë për të kërkuar lëmoshë. Pas identifikimit të tyre, është konstatuar se të njëjtit janë duke qëndruar në mënyrë të pa rregullt bazuar në Ligjin për të Huaj

“Gjatë trajtimit të tyre janë inkuadruar edhe hetuesit  e Drejtorisë kundër trafikimit me qenie njerëzore dhe zyrtarë të Qendrës për Punë Sociale, të cilit i kane trajtuar të gjitha rastet nga fushë veprimtaria e tyre, mirëpo nuk janë gjetur elemente të trafikimit me qenie njerëzore”, konstaton Policia, transmeton KP.

Pas përfundimit të të gjitha procedurave ligjore dhe kompletimit të lëndëve, të gjithë shtetasit ndaj të cilëve është lëshuar urdhri i largimit me forcë janë depërtuar në mënyrë të organizuar në Shqipëri. Ndryshe kohën e fundit rrugët e Kosovë janë mbushur me lëmosh-kërkues nga Shqipëria, të cilët kryesisht i përkasin komunitetit romë.