E-Diaspora
Policia kërkon ndihmë për ta kapur, gratë “çmenden” pas shqiptarit të ri
Në vend të dëshmive eventuale mbi vendndodhjen e shqiptarit 25 vjeçar, komentet e postuara në facebook vlonin nga komplimentet për pamjen tërheqëse të Guximit
Policia skoceze në fakt e kishte publikuar fotografinë e azilkërkuesit shqiptar Gëzim Imerio (Imeraj?) për të kërkuar ndihmë nga publiku që i përmenduri të kapet. Por, fotografia e shpërndarë më 7 nëntor befasisht ka ngjallur më shumë vëmendje në internet dhe në veçanti, te gjinia femërore, shkruan focus.de.
Kështu, në vend të dëshmive eventuale mbi vendndodhjen e shqiptarit 25 vjeçar, komentet e postuara në facebook vlonin nga komplimentet për pamjen tërheqëse të Guximit, transmeton albinfo.ch.
“Ai është jashtëzakonisht tërheqës”, shkruan për shembull një grua. “Dhe, policia me siguri nuk do të mund ta gjejë pasi që ai tashmë ndodhet sigurisht i fshehur nën ndonjë fustan gruaje”. Një tjetër grua shkruan: “çfarë tipi i nxehtë. Shpresoj që ai të jetë në rrugë drejt një jete më të mirë”.
Nga ana tjetër, policia në përshkrimin e saj ka përdorur fjalorin e zakonshëm, të thatë policor: personi ka konstrukt trupor mesatar, flokë të shkurta, të zeza, fytyrë ovale dhe tipare këndore të fytyrës.
Duke iu referuar Guximit, mediet në gjuhën angleze shkruajnë për mundësinë që ai të përfundojë si një “Jeremy Meeks i ri”. Jeremy Meeks, të përkujtojmë, kishte arritur famë me fotografinë e tij të publikuar nga policia si njeri në kërkim. Ai tashmë është një model i famshëm dhe partner i Chloe Green, e bija e një miliarderi, për të cilën ai ka braktisur hgruan dhe fëmijën.
Sidoqoftë, policia vazhdon të kërkojë ndihmën e qytetarëve për të kapur Guximin. “Dhe, së paku 500 gra e marrin veçanërisht në mënyrë serioze këtë kërkim”, shkruan një grua në facebook. Por, është pikëpyetje e madhe nëse ato do ta denonconin Guximin në polici.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën