Policia në Kosovë arreston 5 persona në një kazino

Policia e Kosovës njofton se ka arrestuar pesë persona të dyshuar për veprat penale ‘Organizim i skemave piramidale dhe bixhozit të paligjshëm’ si dhe ‘Heqje apo dëmtim i vulave zyrtare’.

Policia thotë se pas një informate se një lokal i lojërave të fatit afër QMI-së është duke ushtruar veprimtarinë e saj, përkundër faktit së ishte mbyllur ditë më parë, kanë mbyllur atë dhe kanë arrestuar këta persona.

Të gjithë personat e arrestuar janë dërguar në qendrën e mbajtjes për 48 orë.

Ndryshe, gjatë ditës së djeshme Kuvendi i Kosovës ka votuar për mbylljen e të gjitha lojërave të fatit në Kosovë.