Policia shqiptare ka shkatërruar 2.4 milionë bimë narkotike

248 persona janë arrestuar për prodhimin e marihuanës, pjesa më e madhe e destinuar për Itali, Greqi, Kosovë dhe Mal të Zi

Policia shqiptare ka bërë të ditur se ka konfiskuar dhe shkatërruar 2.4 milionë bimë narkotike këtë vit, shkruan ‘Washington Post’.

Drejtori i Përgjithshëm i Policisë së Shtetit shqiptar, Haki Çako u shpreh se 219 hektarë të bimëve narkotike nga qershori janë konfiskuar, apo katër herë më shumë se vitin e kaluar, përcjell albinfo.ch.

Çako ka shtuar se 248 persona janë arrestuar për prodhimin e marihuanës, pjesa më e madhe e destinuar për Itali, Greqi, Kosovë dhe Mal të Zi.

Mediat lokale kanë cituar një ekspert i cili ka vlerësuar se bimët ishin në vlerë rreth tre miliardë euro (3.3 miliardë dollarë), një shumë e barabartë me një të tretën e prodhimit të brendshëm bruto të Shqipërisë.

Shqipëria ishte prodhuesi më i madh i kanabisit në Evropë tre vjet më parë, kur qeveria bëri primare të luftojë këtë dukuri.