Policia shqiptare së bashku me atë italiane patrullojnë hapësira detare

Vëzhgohet hapësira detare nga Velipoja në Ksamil, në kuadër të luftës kundër trafikut të drogës

Policia në Shqipëri ka bërë të ditur se kontrollet e përbashkëta me Guardia di Finanzia-n po vazhdojnë në të gjithë hapësirën detare nga Velipoja në Ksamil, në kuadër të luftës kundër trafikut të drogës.

Policia thotë se kohët e fundit ka një rritje më shumë të nivelit të bashkëpunimit me partnerët kryesorë të kontrollit të kufirit duke bërë të mundur kapjen dhe sekuestrimin e disa mjeteve lundruese të gatshme për trafik lëndësh narkotike, përcjell albinfo.ch.

Të angazhuar janë policia Kufitare, Delta Forcë, dhe Drejtoritë Vendore të Policisë Vlorë, Durrës dhe Shkodër.

Policia shqiptare thotë se shkëmbimi i informacionit bëhet në kohë reale me Policinë italiane dhe Guardia di Finanzia, në koordinim të plotë me zyrën Ndërlidhëse të Policisë së Shtetit në Bari.

https://web.facebook.com/1502420603377639/videos/2025241477762213/