Portieri vdes pas përplasjes me bashkëlojtarin

Choirul Huda, 38-vjeçar, u dërgua të dielën në spital, por me të arritur u njoftua se ai ka vdekur

Një portier në top divizionin në Indonezi ka vdekur pas përplasjes me një bashkëlojtar gjatë një takimi.

Choirul Huda, 38-vjeçar, u dërgua të dielën në spital, por me të arritur u njoftua se ai ka vdekur.

Në një njoftim të lëshuar nga klubi i tij – Persela FC u tha se doktori Yudistiro Andri Nugroho ka thënë se Huda “ka pasur probleme të mëdha në gjoks dhe në nofull”, shkruan Albinfo.

Ai ka shtuar se besohet se futbollisti ka pësuar traumë në kokë.

Sipas doktorit, përplasja i solli Hudas ndërprerje të frymëmarrjes dhe arrest kardiak.

Ndeshja vazhdoi, me Perselan që fitoi 2 me 0 ndaj Semen Padangut.

Më pas mijëra fansa të futbollistit e nderuan atë.