Shqipëria

Presidenti i Shqipërisë Bajram Begaj uron Donald Trumpin për marrjen e detyrës

E hënë, 20 Janar 2025 - 22:00 albinfo.ch

Presidenti i Republikës së Shqipërisë, Bajram Begaj ka uruar me anë të një postimi në X presidentin e 47 të Shteteve të Bashkuara të Amerikës, Donald Trump.

Begaj theksoi se Shqipëria është krenare për aleancën dhe miqësinë e saj të fortë me SHBA ndërsa shton se do të vijojë të mbetet e përkushtuar për të forcuar edhe më tej partneritetin mes dy vendeve.

“SHBA mbetet dëshmi e patjetërsueshme e vlerave të demokracisë dhe burim paqeje dhe sigurie.Shqipëria është krenare për aleancën dhe miqësinë e saj të fortë me SHBA-në dhe mbetet e përkushtuar për të forcuar më tej partneritetin tonë”, shkruan Begaj në platformën X.