Presidenti turk në Berlin: Turqia synon rindërtimin e Gazës pas armëpushimit

Gjatë vizitës së tij në Gjermani, presidenti turk, Recep Tayyip Erdogan, ka thënë se Turqia do të bëjë përpjekje për të rindërtuar infrastrukturën e shkatërruar, spitalet dhe shkollat në Rripin e Gazës nëse arrihet armëpushim, përcjell albinfo.ch.

“Nëse arrihet armëpushim, ne do të bëjmë gjithçka që është e nevojshme për të kompensuar shkatërrimin e shkaktuar nga Izraeli”, ka thënë ai para gazetarëve që gjendeshin në aeroplanin me të cilin lideri turk po kthehej nga Gjermania, sipas REL.

Izraeli deri më tani ka refuzuar thirrjet për armëpushim, duke thënë se do të vazhdojë operacionet ushtarake në Rripin e Gazës deri sa të shkatërrojë Hamasin dhe të lirojë pengjet e marra nga ky grup terrorist.

Ndryshe, lufta në mes të Izraelit dhe Hamasit ka filluar më 7 tetor.

 

---