Kosova
Presidentja Osmani vijon vizitën në Shqipëri

Edhe sot, presidentja e Kosovës, Vjosa Osmani, në një ceremoni shtetërore do t’ia dorëzojë dekretin e nënshtetësisë së Kosovës shkrimtarit me famë botërore, Ismail Kadare, përcjell albinfo.ch.
Theksohet se në agjendën e presidentes Osmani është edhe një aktivitet i përbashkët i dy presidentëve me rastin e Ditës së Nënë Terezës në ekspozitën e Arkivave në Presidencën e Shqipërisë.
Po ashtu, në Tiranë ajo do të ketë edhe një takim me grupin e grave deputete dhe vizitë te Muzeu i Gjetheve dhe aktivitete të tjera.
Agjenda do të vijojë në qytetin e Beratit, ku pas takimit me kryetarin e Bashkisë, Ervin Demo, Presidentes do t`i dhurohet titulli më i lartë i qytetit “Patroni i Kalasë”, e më pas do të vizitohen Kisha e Shën Mërisë dhe Muzeu Onufri.
Në Durrës ndërkaq, Osmani do ta ketë një takim me kryebashkiaken e Durrësit, Emiriana Sako, do ta vizitojë Torrën Veneciane dhe Zyrën Doganore të Kosovës në Portin e Durrësit.
Ndërsa të hënën, Osmani është takuar me krerët e shtetit shqiptar, derisa ka theksuar se kryefjala e vizitës së saj në Tiranë ka të bëjë me përpjekjet për unifikimin e politikës së jashtme të të dy vendeve e në arritjen e qëllimeve të përbashkëta.
“Fuqizimi i koordinimit të vazhdueshëm në politikën e jashtme është në dobi dhe në interes jo vetëm të shteteve tona, por edhe të rajonit dhe më gjerë. Prandaj, kryefjala e vizitës sime është bashkërendimi për një strategji dhe veprim të unifikuar të politikës së jashtme”, ka theksuar ajo.
Osmani ka potencuar edhe njëherë rolin e Shqipërisë në mbrojtjen e interesave të Kosovës, sidomos në organizatat ndërkombëtare, ku Kosova nuk është ende anëtare me të drejta të plota dhe të barabarta, derisa ka shtuar se Kosova është e përkushtuar të fuqizojë pozicionin e saj ndërkombëtar.
Po ashtu ajo ka kërkuar sërish mbështetjen e shtetit shqiptar, por edhe të Shteteve të Bashkuara të Amerikës (SHBA) dhe Bashkimit Evropian (BE), posaçërisht në raport me dialogun Kosovë-Serbi, të ndërmjetësuar nga BE-ja dhe krizën në pjesën veriore të vendit, të banuar me shumicë serbe.
E-Diaspora
-
SHKSHZ mban orë letrare kushtuar 28 Nëntorit Shoqata e Krijuesve Shqiptarë të Zvicrës (SHKSHZ) organizon një orë letrare, në nderim të 28 Nëntorit,...
-
Wil: Mbrëmje artistike me rastin e Festës së Flamurit
-
Ish-ushtari i UÇK-së vritet në Francë teksa flinte
-
Nëntori i letrave shqipe dhe atdhedashurisë mbahet në Vjenë
-
VIDEO
Rita Ora arrin në Kosovë për ditëlindje, prek tokën me dorë
Jeta në Zvicër
-
Sunrise planifikon të shkurtojë 200 vende pune në fillim të vitit 2024 Operatori i telekomunikacionit Sunrise planifikon të shkurtojë 200 vende pune në tremujorin e parë të 2024....
-
Zvicër: Kërkohen më shumë informata rreth kontratave të vaksinës Covid
-
Zvicër: Shqyrtohet importi i papërgjegjshëm i qenve
-
Ndryshimi i orarit të SBB-së, më shumë lidhje për adhuruesit e malit
-
Qyteti zviceran që votoi për të refuzuar eksperimentin e të ardhurave bazë