Muzikë
Prezantohet “Nostalgjia” e autorit arbëresh, Mario Calivà
Krahas autorit arbëresh, në prezantim do të jetë edhe artistja-pianiste e njohur nga Gjeneva, Ermira Lefort
“NOSTALGJIA” e shkrimtarit arbëresh Mario Calivà Një vepër ku mes “Nostalgjisë” dëshmuese të rrugëtimit të historisë arbërore, dhimbjes së qëndresës, dhimbjes së largimit, ringritjes arbërisht në tokë të huaj, lirikës që përkundi ndjenja dashurie, rezistence dhe djepa… e kështu gati për 6 shekuj.
Ritet dhe traditat nuk mbijetuan në muzé, por tek jeta, familjet, gjeneratat (mendoni sa e sa…) Me gjak të njejtë qëndrese, lidheshin arbërorët nga dy anët matanë detit, me qëndresën për të mos u asimiluar si komb. Kjo qëndresë e “Gjakut të shprishur” (të shpërndarë) me dashuri e përkushtim, vazhdoi dhe me krijimin e shtetit shqiptar dhe lëvrohet gjithnjë e në vazhdim, përkatësia dhe ruajtja si komb, mes Arbërorë – Shqiptarë.
“NOSTALGJIA” e Mario Calivà nuk është e zbehtë, është dinjitoze edhe pse me lotët e dramës, të largimit nga trojet e veta, me mbijetesën plot punë, për jetën , kulturën e traditën, integrimin, jo thjesht për të frymuar…
Arbëreshët e “Nostalgjia” frymuan me të gjitha këto bashkë, plot fshatra, pllaja, fusha e male dhe gdhendën jetën me toponime plot jetë me: “arbëresh-Albanais”.
Mario Calivà dramaturg, shkrimtar, poet, fotograf artistik bashkëkohor, nuk qëndron vetëm tek nostalgjia në vepër. Shpalos ndjesinë dhe obligimin moral të të gjithëve ne, të mos humbet gjuha -kultura me emigracionin e ri shqipëtar. 6 shekuj janë si një shkëmb i fortë trashëgimie, prove, për t’ju mos dorëzuar globalizmit, të jetojnë vlerat tona, përkrah vlerave të popujve të botës.
Në dy evente në Itali, në shtator, do ngjyrosin rrëfimin Monodramës të Mario Calivà, fotot e tij magjike aktuale, të vajzave, djemve, fëmijëve, veshur me vezullimin e veshjeve arbërore, bashkë me tingujt klasikë, romantikë, arbërorë, shqipëtarë në piano, nga artistja-pianiste, Ermira Lefort që për herë të dytë i bashkëngjitet këtij prezantimi të “Nostalgjia”. Shoqata “Nënë Tereza” në Trento me Z.Gentian Shero, organizon me emocion dhe mision shpirtëror, transmetimin e rrënjëve e gjakut tonë arbëror- shqiptar, nëpërmjet “Nostalgjia” të mirënjohurit shkrimtar arbëresh, Mario Calivà.
“Nostalgjia” do të ndjehet e përjetohet me reflektim e dashuri, nga të gjithë ne, si e shkuar, e tashme, e ardhme për gjakun- traditën- kulturën tonë , kudo që do prezantohet edhe në të ardhmen.
(Të dhënat për aktivitetin mund t`i shihni në afishen në ballinë)
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Së shpejti do të mund të merrni 2 litra lëngje me vete në bagazhin e dorës në aeroportin e Cyrihut Falë skanerëve të rinj CT, gjithnjë e më shumë aeroporte në Evropë po heqin rregullore të...
-
Mbi 60 trena shtesë drejt Ticinos gjatë fundjavave në maj
-
Pagat zvicerane rriten, por “u zbehën” nga inflacioni
-
Zvicra do të forcojë sigurinë në qendrat e azilit
-
Sa aktivë janë spiunët kinezë në Zvicër?