Lajme
Primet e sigurimeve shëndetësore do të rriten për 6%
Primet për sigurimet shëndetësore bazë pritet të rriten mesatarisht me 6% vitin e ardhshëm, sipas parashikimeve të Comparis.
Po ashtu besohet se shumë mbajtës të policave mund të shohin një rritje të primit të tyre me më shumë se 10%, për të dytin vit radhazi, shkruan RTS.
Për Comparis, kjo rritje e re vjen si pasojë e reduktimit të rezervave, që ka bërë që shumë fonde kanë ulur rezervat e tyre me anë të primeve “shumë nën kosto”.
“Shumë siguruesve shëndetësorë u mungojnë financat për të zbutur luhatjet e kostos aktuale. Pa këtë ulje të rezervave, “primet do të ishin rritur vetëm me rreth 2,5% në vit për person në vitet e fundit dhe do të vazhdonin të rriteshin edhe sot në këtë zonë”, është shprehur eksperti Felix Schneuwly.
Sipas Felix Schneuwly, këto shifra bazohen në parashikimet e Comparis dhe Qendrës së Kërkimeve Ekonomike të ETHZ (KOF), e cila raporton një rritje të të gjitha kostove shëndetësore në Zvicër prej 2.9% në vitin 2022, 3.6% për këtë vit dhe 3.1% për vitin e ardhshëm, përcjell albinfo.ch.
Në terma afatgjatë, eksperti i sigurimeve shëndetësore, Felix Schneuwly, pret që kurba e kostos të rrafshohet përsëri dhe rritja e kostos së shërbimeve mjekësore që përballohen nga sigurimet bazë të stabilizohet gjatë viteve të ardhshme në një interval pak nën 3%, shkruan RTS.
Për të shmangur që çdo luhatje në kosto të çojë sistematikisht në një luhatje të primeve, siguruesit shëndetësorë kanë nevojë përsëri për një jastëk rezervë mbi minimumin ligjor, shton ai.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën