Prishtina ‘në duar’ të sportistëve, aktorëve e këngëtarëve!

Këngëtarë, artistë, sportistë e ish-ministra do të kandidojnë për ulëse në Kuvendin Komunal të Prishtinës

Zgjedhjet lokale në Kosovë do të mbahen në 22 tetor, derisa partitë politike janë përkujdesur për shumë befasi në listat e tyre, me kandidatë nga profesione të ndryshme.

Kështu ndodhi edhe me Prishtinën, ku në listë për ulëse në Kuvendin Komunal janë ministrja në detyrë e Drejtësisë nga radhët e Partisë Demokratike të Kosovës, Dhurata Hoxha, Ministri i Zhvillimit Ekonomik, Blerand Stavileci dhe ajo e Integrimeve Evropiane, Mimoza Ahmetaj, njofton “Klan Kosova”.

Stavileci është kryetar i klubit të basketbollit, Sigal Prishtina, derisa Lirak Çelaj do të jetë kandidat për kryetar të Prishtinës. Ai ka qenë më herët aktor.

Në garë për asamblistë janë edhe këngëtari Naim Bunjaku-Xuxi dhe ish-portieri i Prishtinës, Kushtrim Mushica, përcjell albinfo.ch.

Kujtojmë që kryetari Shpend Ahmeti ka qenë volejbollist.