Prishtinë: Fermerët e qumështit protestuan sot, derdhin qumështin para ministrisë

Para objektit të Ministrisë së Bujqësisë sot kanë protestuar fermerët e qumështit.

Në protestë, prodhuesit vendorë shprehën pakënaqësinë e tyre ndaj gjendjes në sektor dhe kërkuan ndërhyrje urgjente nga institucionet.

Përfaqësuesit e Shoqatës së Fermerëve Kosovarë të Qumështit thanë se prodhuesit vendorë ndodhen në një situatë të rëndë, duke theksuar se tashmë katër ditë nuk kanë ku ta dorëzojnë qumështin, transmeton albinfo.ch.

Kërkesat e tyre ishin: fillimi i menjëhershëm i grumbullimit të qumështit, ndalimi i importeve të qumështit të subvencionuar nga vendet e rajonit dhe masa konkrete për mbrojtjen e prodhuesve vendorë.