Kosova

Priten masa të reja anti-Covid në Kosovë

Rritja e numrit të rasteve pozitive me COVID-19 ka bërë që sot të mblidhet Komitetit ndërministror për t’i shqyrtuar masat e reja antiCOVID-19, përcjell albinfo.ch.

Në këtë mbledhje pritet të propozohet që gastronomia të punojë deri në orën 21:00 dhe ora policore të vendoset prej orës 22:00.

Po ashtu mësohet se do të shqyrtohet edhe që në Kosovë të lejohet hyrja e personave që janë të vaksinuar me tri doza antiCOVID-19.

Mbledhja ndërministrore pritet të mbahet sot, në orën 09:00.

Ndërsa të mërkurën Instituti Kombëtar i Shëndetësisë Publike të Kosovës (IKSHPK) njoftoi për 2 mijë e 50 raste. Ndërsa një ditë më parë ishin 720 raste të reja.

Ndërkohë që Ministria e Shëndetësisë (MSH) u bëri thirrje qytetarëve që të vaksinohen, meqë Omicron është bërë variant dominues.

“Duke qenë se vaksinimi është mënyra më e mirë dhe më e sigurt për të parandaluar COVID-19, sidomos format e rënda të sëmundjes dhe vdekjet, i bëhet thirrje popullatës së moshës mbi 12-vjeçare që të vaksinohen”, thuhet në komunikatën e lëshuar një ditë më parë nga MSH-ja.

 


LAJME INTERESANTE NGA INTERNETI