Priten masa të reja në Zvicër për skijim

Industria zvicerane e skive është e paduruar të dijë për masat në shpatet

Me fillimin e sezonit të skive, operatorët e resoreve duan të dinë se çfarë masash mbrojtëse do të zbatohen, por Këshilli Federal nuk e ka shpallur ende vendimin e tij lidhur me masat që do të duhet të respektohen gjatë skijimit, transmeton albinfo.ch.

“Ne kemi nevojë për sigurinë e planifikimit”, tha për Neue Zurcher Zeitung Mario Bislin, CEO i Flumserberg Ski Lifts. “Në fund të fundit, ne duam t’u tregojmë mysafirëve tanë sa më specifikisht të jetë e mundur se si duhet të sillen në dhe jashtë shpateve”.

Në industrinë e skive ka zëra që janë kundër kërkesës së certifikatës Covid që po debatohet aktualisht nga autoritetet.

“Një kërkesë për certifikatë është e pakuptimtë, sepse nuk ndihmon”, tha Bislin, duke shtuar se “në kundërshtim me të gjitha frikat, asnjë vendpushim skish në Zvicër nuk është bërë një pikë e nxehtë”, gjatë sezonit të skive 2020.

---