Pritje jo të gjata për bashkatdhetarët që vijnë në Kosovë

Sivjet, në pikën kryesore ku ka fluks më të madh të atyre që hyjnë në Kosovë, në Merdare, janë duke u kryer punime infrastrukturore. Mirëpo, bashkatdhetarët kanë deklaruar se nuk kanë pritur gjatë në këtë vendkalim

Numri i bashkatdhetarëve që vijnë në Kosovë është shumë i madh, por kësaj radhe nuk ka shumë pritje të gjatë. Kështu së paku thonë bashkatdhetarët.

Sivjet, në pikën kryesore ku ka fluks më të madh të atyre që hyjnë në Kosovë, në Merdare, janë duke u kryer punime infrastrukturore. Mirëpo, bashkatdhetarët kanë deklaruar se nuk kanë pritur gjatë në këtë vendkalim, raporton “Kosovapress”.

Përveç pritjeve që janë të rëndomta dhe vapës, mërgimtarët shprehen se kanë edhe një hall tjetër: problemet me valuta në shtetet që nuk e kanë euron valutë të tyre. Ndërsa, problem tjetër mbetet sigurimi i veturave, përcjell albinfo.ch.

Për hyrje dhe daljet e qytetarëve nëpër pikat kufitare të Kosovës raporton çdo ditë Qendra Kombëtare për Menaxhim Kufitar.

Pikat kufitare, si në Qafë të Morinës, Mutivodë, Bërnjak e Muçibabë kanë fluks më të vogël të mërgimtarëve që ia kanë mësy Kosovës.