Pritje madhështore për Admir Mehmedin në Gostivar

Kryetari i komunës së Gostivarit, Rufi Osmani priti në një takim futbollistin e kombëtares zvicerane, Admir Mehmedi

Futbollistit Mehmedi ka marrë mirënjohje për sukseset e arritura në futboll në arenën ndërkombëtare, ndërsa Mehmedi kryetarit të Gostivarit i dhuroi fanellën e tij, bëhet e ditur në një njoftim të Komunes së Gostivarit .

“Sportistët janë ambasadorët më të mirë të një vendi. Qytetarët e komunës së Gostivarit, mburren që ambasadorë të këtillë kemi në më shumë sporte në vende të ndryshme evropiane. Komuan e Gostivar ka mbështetur vazhdimisht moralisht por edhe materialisht sportistët tanë të cilët garojnë në arenën ndërkombëtare, e të cilët në këtë mënyrë promovojnë edhe Gostivarin si qytet me shpirt sportiv”, theksoi kryetari Osmani.

Admir Mehmedi ka lindur në Gostivar në vitin 1991, ndërsa me prindërit e tij jeton në Zvicër ku ka marrë edhe nënshtetësinë zvicerane. Prej janarit të këtij viti ka nënshkruar kontratë katërvjeçare me klubin e mirënjohur Dinamo Kiev (Ukrainë), ndërsa paraprakisht ka luajtur për FC Zuerich (Zvicër).

Mehmedi: “Në sport, ashtu si në çdo sferë të jetës, mbështetja morale ka një peshë të veçantë, ndërsa ai këtë mbështetje e ka pasur pikësëpari nga prindi i tij Imërliu, të afërmit dhe të gjithë ata të cilët ia dinë rëndësinë sportit”