Profesionet më të lezetshme në Zvicër

Zvicra është një vend i veçantë me profesione të veçanta dhe shumë të dashura e atraktive

Foto ilustrim

Në Zvicër ka shumë profesione interesante, por edhe shumë të dashura dhe të lezetshme. “thelocal.ch” ka bërë një renditje me profesionet më të lezetshme në Zvicër, përcjell albinfo.ch.

Kujdestar i Kabinës në Klubin Alpik Zviceran: Klubi Alpik Zviceran drejton një rrjet të kabinave malore, disa prej të cilave në zona tepër të largëta të vendit. Sezoni hapet nga qershori deri në shtator dhe ato zakonisht drejtohen nga një çift ose një person i vetëm me staf ekstra kur kërkohet. Ky profesion kërkon aftësi të veçanta dhe i gatshëm për gjithçka.

Krijues i ‘Velogemel’: Është një vegël e vjetër zvicerane. Veçanërisht në qytetin zviceran të Grindelwald, velogemel është një ‘snowbike’ druri i prodhuar që nga viti 1911. Dizajni origjinal është ruajtur ende.

Shoferi i trenit malor: Po, ka shoferë të trenave në të gjithë botën, por jo të gjithë njerëzit mund të përjetojnë përvojën e rrugëve, me të cilat mburret Zvicra. Vendi ka tunelin më të gjatë të trenave në botë (Tuneli i Gotthard Base), hekurudha më e madhe e rrotave në botë (Pilatusbahn) dhe hekurudha më e lartë e Evropës, Jungfraubahn.

Kohëmatës: Markus Marti ka një nga punët më të mira zvicerane në vend. Për 40 vitet e fundit ai ka qenë kohëmatës i orës mesjetare mekanike në qendër të qytetit të Bernës, Zytglogge. Puna e tij është që të përkujdeset për orën çdo ditë dhe që pjesët mekanike të shekullit 16 të rrjedhin pa problem.

Orëndreqës: Ok, ka shumë orëndreqës në pjesët tjera të botës, por është diçka e veçantë të jesh orëndreqës në Zvicër, pasi profesioni ka një histori të gjatë në Gjenevë dhe Jura, ku ende bazohen shumë kompani të mirënjohura.

Nëse dëshiron të jeni një orëndreqës i mirë atëherë shkoni në “Ecole d’Horlogerie de Genève”, shkolla më e vjetër e orëve në vend, e themeluar më 1824.