Profesionistet nga diaspora, iniciativë për të ndihmuar gratë shqiptare

Përmes platformës “Ti Mundesh”

Profesionistet shqiptare në diasporë kanë ndërmarrë një iniciativë për të ndihmuar vajzat dhe gratë shqiptare me mbështetje emocionale, informacione e njohuri, duke iu ofruar terapi-këshillim falas për jetën dhe karrierën, shkruan albinfo.ch.

Përmes platformës “Ti Mundesh”, punonjëse sociale, këshilluese karriere dhe biznesi si dhe profesioniste të fushave të ndryshme do jenë në ndihmë të vajzave dhe grave që paraqesin raste të ndryshme dhune si edhe rasteve për keshillim jete dhe karriere.

Ti Mundesh! Është një inisiativë e ndërmarrë nga vajza dhe gra shqiptare në diasporë, me qellim që t’ju ofrojë vajzave dhe grave shqiptare terapi- këshillim për jeten dhe karrieren (falas). Seancat mund të meren online ose nëpermjet telefonit duke ju siguruar anonimitet dhe profesionalizem maksimal nga femra shqiptare me arsimim dhe banim në diasporë, shkruan albinfo.ch.

Psikologe, Punonjese Sociale, Keshillues karriere dhe biznesi si dhe profesioniste te fushave te ndryshme do jenë në ndihmë për vajzat dhe grate që paraqesin raste të ndryshme dhune fizike, psikologjike, ekonomike, bulizmit si edhe rasteve për keshillim jete dhe karjere.

Qëllimi final është të ndihmohen vajzat dhe gratë në të gjitha trevat shqiptare, me mbështetje emocionale, informacione e njohuri, e ti frymezojmë ato të kapercejn vështiresit, të behen konfidente, të pavarura dhe të suksesshme në të gjitha dretimet e jetës. /Albinfo.ch.

 

---