Prokuroria e St. Gallenit ndëshkon një pasagjer treni për racizëm

"Tamil i ndyrë",  "Sri Lanka i ndyrë", "Kthehu në vendin tënd", kishte thënë ai gjatë një kontrolli bilete në një tren

Prokuroria Publike e St. Gallenit ka lëshuar një urdhër penal kundër një burri 47-vjeçar, duke vendosur një gjobë prej afërsisht 2,500 frangash zvicerane. Ai kishte fyer një shofer treni, duke shkelur kështu ligjin anti-racizëm.

“Tamil i ndyrë”,  “Sri Lanka i ndyrë”, “Kthehu në vendin tënd”, kishte thënë ai gjatë një kontrolli bilete në një tren nga Churi për në Cyrih pranë Liqenit Walen, transmeton albinfo.ch. Kjo rezulton sipas një urdhri penal të lëshuar nga Prokuroria Publike e Kantonit të St. Gallenit, shkruan sda.ch.

Personi i cili ka lindur në Turqi, ka shkelur dinjitetin njerëzor të shoferit me vërejtjet e tij, deklaron Prokuroria Publike.

Ai duhet të paguajë një gjobë prej 34 tarifash ditore prej 70 frangash zvicerane secila. Atyre do tu shtohen edhe tarifat dhe shpenzimet. Shuma totale është 3,040 franga zvicerane.

---