Tematike
Pronari i makinës së vjedhur: “Lavdimi nuk është vjedhësi”
“Atij duhet t`i jepet pasaporta. Ka qenë djali im ai që i ka vjedhur çelësat dhe i ka ftuar tre shokët e tij në shëtitje me makinën time”
Javën e kaluar disa medie zvicerane kishin shkruar për “shtetasin serb” me emrin Lavdim, nga Grencheni i Solothurnit, të cilit i mohohej e drejta për të fituar shtetësinë e Zvicrës për shkakun se si 15 vjeçar kishte vjedhur një makinë.
Pas një debati të zhurmshëm nëse i duhet dhënë shtetësia ose jo Lavdimit, në opinion është paraqitur “viktima” e vjedhjes, respektivisht pronari i makinës të cilën Lavdimi e kishte “vjedhur”. Dhe Hans-Joachim Thiel, të cilit para katër vitesh i ishte marrë mercedesi, i jep përkrahje djaloshit në procedurën për shtetësinë.
“Ai vërtetë e ka vjedhur veturën time, por ajo shikuar formalisht nuk ka qenë vjedhje”, mendon Thiel nga Grencheni i Solothurnit, udhëheqës reparti në Swatch. “Ka qenë djali im, sot 20 vjeç, ai që i pati vjedhur çelësat dhe ika ftuar tre shokët e tij për një shëtitje me makinën time”, thotë ai.
Por, ajo që kishte ndodhur natën kur ishte “vjedhur” vetura “Mercedes E320”, më 7 shtator 2008 kishte pasur pasoja. Makina ishte përplasur në një mur shtëpie dhe kishte pësuar shkatërrim total. Të pesë tinejxherët që ishin aty, kishin pasur fat të madh që kishin shpëtuar të palënduar.
“Në momentin e ndeshjes Lavdimi ka qenë në timon. Por kjo nuk do të thotë se ai është vjedhës i automobilit. Ai vetëm e ka shfrytëzuar pa të drejtë dhe pa dijen time automobilin tim, shkruan Blick. Për këtë arsye, Lavdimit duhet t`i jepet shtetësia zvicerane “ përforcon qëndrimin e tij Hans-Joachim Thiel.
Mirëpo, në Komunën e Grenchenit gjithë këtë punë e shohin ndryshe. Ata e arsyetojnë kundërshtimin e tyre për natyralizimin e Lavdimit me faktin se ai ishte dënuar për dëmtimin e makinës dhe nuk kishte mundur të paguante shpenzimet e zyrës së përmbarimit. Por Lavdimi ka arsyetimin e tij. Ai ka bërë ankesë në kanton.
Thiel ngul këmbë: shumën totale prej 30 mijë frangash të dëmtimit të makinës e kemi ndarë në tri pjesë: 10 mijë unë, 10 mijë djali dhe 10 mijë Lavdimi. Ky i fundit ende nuk e ka lënë pa paguar asnjë ratë. Deri tash ka paguar pothuaj 7000 franga”.
Prandaj, përsërit Thiel, i cili edhe vetë është nga Gjermania por ka edhe shtetësinë zvicerane, djaloshi duhet t`i jepet kjo shtetësi. “Të gjithë në rininë tonë kemi bërë ndonjë marrëzi… Fundja ka mjaft të huaj më të këqij se ai, që kanë marrë pasaportën e Zvicrës”.
Të tjera nga Tematike
E-Diaspora
-
Koncert në Cyrih nga dy artiste shqiptare, Agona Shporta dhe Tringa Sadiku Në Cyrih do të mbahet një koncert më 02.05.2024 duke filluar nga ora 21:10, në adresen...
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
-
8 filma nga Kosova dhe Shqipëria do të prezantohen në Festivalin e Filmit “goEast” 2024
-
Partneritet mes studentëve të Universitetit të Lucernit dhe atyre nga Maqedonia
Jeta në Zvicër
-
Lojë shpërblyese: Fitoni bileta për të shikuar njërin nga 27 filmat në Kino Kosova Platforma mediale albinfo.ch është partner medial i edicionit të katërt të Kino Kosova...
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!
-
Miliarderi zviceran jep 243 milionë dollarë për demokratët amerikanë, “çmenden” republikanët