Prosperitet për Kubën, pas ndryshimit të pushtetit

Priftërinjtë nga komuniteti afro-kuban në Havana kanë parashikuar reforma në vend gjatë vitit 2018, pasi presidenti Raul Castro do të tërhiqet nga posti gjatë pjesës së parë të këtij viti.

Ndjekësit e fesë Santeria, e që besimin e tyre e sollën në ishullin kuban nëpërmes skllevërve bashkë me katolicizmin, ndiqet nga miliona njerëz, shumica prej të cilëve mezi presin udhëzimet nga parashikimi vjetor, përcjell albinfo.ch.

Profecitë e reja nga priftërinjtë Santeria, të njohura si babalavos, vijnë derisa Castro pritet të largohet nga posti në prill, duke i dhënë fund kështu udhëheqjes pë rreth 60 vjet të vëllezërve Castro dhe do të shënojë transicion nga liderët e revolucionit të njohur Kuban drejt udhëheqjes nga një gjeneratë e re. Shpresa është që ky ndryshim do të sjellë prosperitet dhe reforma në treg.

Marrëdhëniet me SHBA-në ishin gjithashtu në mendjen e shumë njerëzve në këtë parashikim, derisa me ardhjen e presidentit Trump në Shtëpinë e Bardhë pjesërisht është kthyer embargoja ndaj vendit dhe raportet janë ftohur paksa.