Shqipëri: Protestë e thirrur nga Berisha kundër Vuçiqit, reagon Ambasada amerikane

Ambasada Amerikane, përmes një njoftimi ka këshilluar shtetasit e vet që të tregohen të kujdesshëm lidhur me protestën e thirrur nga ish-kryeministri Sali Berisha pasditen e së hënës para kryeministrisë.

Ambasada bën thirrje që të shmangen grumbullimet, pasi mund të ndodhë që protesta të ketë situata të paparashikueshme dhune.

“Ndiqni udhëzimet e autoriteteve lokale të zbatimit të ligjit. Shmangni grumbullimet në zonën ku mbahet protesta dhe tregoni kujdes nga njerëzit që keni përreth”, shkruhet në mesazhin e Ambasadës amerikane.

Protestuesit e thirrur nga ish-kryeministri Berisha janë mbledhur fillimisht para selisë së PD-së, përveç parullave kundër Vuçiqit, kanë lëshuar etiketime dhe për kreun e PD-së, duke thirrur “Basha ik”.

Më tej kanë marshuar drejt Kryeministrisë, ku pritet ketë edhe fjalime.