Tematike
Pse Christoph Blocher del në vend të parë ?
Duke sulmuar Bankën Nacionale Zvicerane (BNS), strategu i SVP/UDC-së tregon një oreks të pangopshëm për pushtet dhe ka kapacitete të palodhshme destruktiviteti, shkruan e përditshmja « Le Temps ».
Thuhej se ai tani më ishte i fundosur, i moshuar dhe jashtë loje. Por, duke përdorur dokumente bankare të vjedhura kundër Philipp Hildebrand, drejtori i BNS, Christoph Blocher, është vendosur sërish në qendër të politikës zvicerane. Me synime, të cilat ithtarët e tij i cilësojnë sikur të jenë fisnike dhe bujare, ndërsa kundërshtarët e tij brenda qeverisë sikur të jenë pretendime dinake dhe makiavelike.
Philipp Hildebrand, drejtori i BNS
Kur ai paraqitet para Micheline Calmy-Rey, më 15 dhjetor, për ta informuar atë për akuzat e tregtimi të informacioneve të brendshëm ngritur kundër Presidentit të BNS-së, strategu i SVP/UDC-së mendon së pari për “të mirën financiare të vendit si dhe për ekonominë zvicerane”, thotë një nga të afërmit e tij. “Ai dëshironte që qeveria të marret me këtë çështje seriozisht. Gjithashtu, ai dëshironte që ky problem të zgjidhej në mënyrë diskrete. Nuk është ai i cili nxori informacionin për publikun”.
Kjo teori ngre rezervat më të mëdha në qarqet qeveritare, të cilat kanë përcjellë këtë aferë. “Në fakt, ne e dimë se Blocheri është i kënaqur që dihet së në burim gjendet ai”, tregon një njohës i kësaj çështjeje. Ai dëshiron që ta paraqesim si një shpëtimtar të kombit.
Christophe Blocher
Metoda konspirative
Sipas një personi tjetër të brendshëm, pas Philipp Hildebrand, Blocher kërkon të akuzojë Këshillin Federal: “Ai shpresonte të akuzojë Këshillin Federal për mbulim të skandalit. Ai sulmon dy shtyllat e sistemit, Këshillin Federal dhe BNS, sepse ky sistem e ka përjashtuar dhe nuk njeh vlerën e tij”.
Në korridoret e Parlamentit Federal priten sulme të mëtejshme. Pas dështimeve të zgjedhjeve të vjeshtës, oratori i vjetër kërkon të bashkojë partinë e tij nën moton “Të gjithë të kalbur”, me që sulmet kundër të huajve dhe Evropës nuk i mobilizojnë më njerëzit.
Sipas biografit të tij, Gsteiger Fredy, Christoph Blocher “ka përshtypjen gjithnjë e më shumë se ai është më i mençur se të tjerët dhe i pëlqen të luajë me këtë aftësi që ia ka dhënë vetes”. Metodat e tij konspirative -sikur marrja e tij e kamufluar e gazetës “Basler Zeitung”, është një shembull tjetër – dëshmojnë për një shije në rritje për të qenë i plotfuqishëm. “Për të, Philipp Hildebrand është një kundërshtar i mirë, sepse ai është shumë i njohur dhe shumë i respektuar. Me fjalë të tjera, ai është një njëri i nivelit të tij”.
Lexoni po ashtu: “Prononcohet bashkëshortja e kryebankierit Hildenbrand”
Të tjera nga Tematike
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Së shpejti do të mund të merrni 2 litra lëngje me vete në bagazhin e dorës në aeroportin e Cyrihut Falë skanerëve të rinj CT, gjithnjë e më shumë aeroporte në Evropë po heqin rregullore të...
-
Mbi 60 trena shtesë drejt Ticinos gjatë fundjavave në maj
-
Pagat zvicerane rriten, por “u zbehën” nga inflacioni
-
Zvicra do të forcojë sigurinë në qendrat e azilit
-
Sa aktivë janë spiunët kinezë në Zvicër?