Lajme
Pse qyteti i Lozanës është kaq i popullarizuar në mesin e të huajve
Kur mendoni për destinacionet më “ndërkombëtare” në Zvicër, ka të ngjarë që Gjeneva, Cyrihu dhe Bazeli të vijnë në mendje. Por Lozana e ka fituar edhe këtë titull
Një qytet mesjetar kodrinor me pamje nga liqeni i Gjenevës, Lozana është një qytet simpatik dhe piktoresk zviceran.
Por pavarësisht nga “zvicerania” e tij e lindur, kryeqyteti i kantonit Vaud ka një popullsi të fortë ndërkombëtare: afërsisht 42 përqind e 149,000 banorëve të tij janë të huaj.
Në fakt, studiuesit nga Universiteti i Gjenevës kanë treguar se përqendrimi më i lartë i të huajve në Zvicër (62.4 për qind) mund të gjendet në lagjen Crissier të Lozanës, shkruan The Local, përcjell albinfo.ch.
Shumë, veçanërisht anglishtfolësit, favorizojnë qytetet dhe fshatrat e vogla në periferi të Lozanës dhe zonat periferike, të njohura si La Côte dhe Lavaux.
Ja kush janë të huajt e Lozanës:
Grupi më i madh që jeton në këtë qytet frëngjishtfolës vjen nga BE: Portugalia, e ndjekur nga Franca, Italia, Spanja dhe Gjermania.
Ka gjithashtu një numër të anglishtfolësve amtare në zonë; në fakt, statistikat zyrtare tregojnë se në Lozanë dhe në zonat e Vaud-it përreth saj, anglishtja është gjuha jokombëtare mbizotëruese, pas frëngjishtes, përcjell tutje albinfo.ch.
Pse dynden shtetas të huaj në Lozanë dhe rrethinat e saj?
Qyteti, si dhe pjesët e Vaud-it që e rrethojnë – në perëndim drejt Gjenevës dhe në lindje deri në Vevey – janë më tërheqëse për banorët e huaj.
Kjo jo vetëm sepse kjo zonë përgjatë bregut të liqenit të Gjenevës është jashtëzakonisht e bukur, por gjithashtu (dhe kryesisht) sepse këtu janë vendet e punës, pasi këtu ndodhen dhjetëra kompani shumëkombëshe.
Për shembull, kompania më e madhe e Zvicrës, Nestlé, ka një prani të madhe në një qytet të vogël, piktoresk të Vevey.
Shumëkombëshe të tjera të mëdha me seli në Lozanë ose në zonën e afërt që punësojnë shumë të huaj janë prodhuesi i cigareve Philip Morris International, Instituti Ndërkombëtar për Zhvillimin e Menaxhimit (IMD), Medtronic, një prodhues global i pajisjeve mjekësore, prodhuesi ushqimor General Mills, shërbimet e automatizimit Honeywell, si si dhe të tjera që janë renditur këtu.
Lozana është gjithashtu shtëpia e një prej institucioneve më kryesore akademike të Zvicrës, Instituti Politeknik Federal (EPFL), një universitet dygjuhësh franko-anglisht, i cili punëson rreth 6,000 njerëz nga e gjithë bota.
Por kjo nuk është e gjitha.
Lozana është gjithashtu selia e Komitetit Olimpik Ndërkombëtar, si dhe dhjetëra federata sportive ndërkombëtare për golf, gjimnastikë, regbi, bowling, patinazh, bejsboll, softball dhe sporte të tjera.
Çfarë tjetër ka për të ditur për Lozanën?
Kryeqyteti i Vaud-it së fundmi i është dhënë njohja përfundimtare nga një prej mediave më të njohura në botë amerikane, The New York Times.
Gazeta ka publikuar renditjen e saj tradicionale vjetore të destinacioneve më të bukura në botë. Lozana është përfshirë në mesin e 52 qyteteve – i vetmi vend zviceran që hyn në listë.
Qyteti vlerësohet për “pamjet spektakolare të liqenit të Gjenevës dhe një skenë arkitekturore dhe artistike shpërthyese”.
Ky nuk është i vetmi vlerësim që i bëhet kryeqytetit të Vaud-it: në vitin 2019, ai u emërua ‘Qyteti më i mirë i vogël në botë’ në Indeksin e Qyteteve të Vogla të revistës Monocle, i cili renditi 25 qytetet më të mira me një popullsi nën 200,000 (Lozana ka rreth 141,000 banorët — një qytet relativisht i madh sipas standardeve zvicerane).
Lozana është gjithashtu e njohur për një nga punët më të pazakonta komunale në Zvicër: atë të një klithtari të qytetit, i cili thërret kohën çdo orë gjatë natës nga kambanorja e katedrales së mrekullueshme gotike të qytetit.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
Jeta në Zvicër
-
Gjeneva, më e pasur Qyteti i Gjenevës ka zbuluar se llogaritë e tij do të tregojnë një tepricë prej 200...
-
Gjenevë: Vjedhjet e biçikletave – zgjidhen rrallë
-
Zvicër: Projekti kombëtar i testimit të tokës zhvillohet të shtunën dhe të dielën
-
Zvicra nuk do të ketë një ‘Indeks të Lumturisë Kombëtare Bruto’
-
Netflix në Zvicër, me kosto të lartë