Puna me kohë të pjesshme: Zvicra, e dyta në Evropë

Shifrat tregojnë një rritje të dukshme në punën me kohë të pjesshme gjatë 20 vjetëve të fundit: nga 26.3%, në 36.7%

Puna me kohë të pjesshme në Zvicër vazhdon të rritet, me shifrat e fundit nga Zyra Federale e Statistikave që tregon se më shumë se një e treta e të punësuarve punojnë më pak se 90%.

Shifrat tregojnë një rritje të dukshme në punën me kohë të pjesshme gjatë 20 vjetëve të fundit: nga 26.3%, në 36.7%, shkruan “Swissinfo.ch”.

Kjo e bën Zvicrën të dytën në Evropë për të punuar me kohë të pjesshme, prapa liderit të shquar të Holandës, ku 50.7% e popullsisë punojnë më pak se 100 %, përcjell albinfo.ch.

Nga fqinjët e Zvicrës, në Gjermani puna me kohë të pjesshme është 28,2%, në Francë (18,8%) dhe në Itali (18,7%).

Në Evropë, Hungaria (4.8%) dhe Bullgaria (2.4%) kanë nivelet më të ulëta, përcjell tutje albinfo.ch.

Gratë në Zvicër kanë tri herë më shumë gjasa se meshkujt të punojnë me orar të reduktuar (duke u kujdesur për fëmijët e vegjël që janë arsyeja më e shpeshtë), por përqindja e meshkujve që marrin punë nën 100% është rritur gjithnjë e më shumë.

Punët e sektorit të shërbimeve kanë më shumë gjasa të jenë me kohë të pjesshme, sidomos në artet, në punën private në shtëpi, në mësimdhënie, në shëndetësi dhe në sektorët socialë.

---