Putini viziton Mariupolin për herë të parë që nga fillimi i luftës

Pak ditë pasi është lëshuar urdhërarrest për krime lufte, Presidenti i Rusisë, Vladimir Putin, ka vizituar qytetin e pushtuar të Mariupolit.

Të dielën Kremlini ka njoftuar se kjo është vizita e tij e parë në territoret e pushtuara nga Rusia në rajonin e Donbasit të Ukrainës, shkruan DW, përcjell Albinfo.ch.

Pas arritjes së tij, ai vizitoi disa lokacione në qytet dhe foli me disa banorë vendas. Vizita e tij vjen pasi Putin shkoi në Krime për të shënuar nëntëvjetorin e aneksimit të gadishullit të Detit të Zi nga Ukraina, raporton DW, përcjell albinfo.ch.

Mes tjerash, mediat ruse raportojnë se Putin takoi në Rostov edhe komandantin e lartë të operacionit ushtarak në Ukrainë, përshfirë edhe shefin e Shtabit të Përgjithshëm Valery Gerasimov, në postin komandues Rostov-on-Don në Rusinë jugore. Rusia filloi pushtimin e saj të plotë të Ukrainës më 24 shkurt të vitit të kaluar. Luftimet mbi Mariupol, në rajonin e Donetskut, filluan në shkurt dhe vazhduan derisa Rusia mori robër mbrojtësit e fundit të qytetit në maj, shkruan DW, përcjell albinfo.ch.

---