Tematike
Qeveria e Zvicrës informon për ofensivën e re të vaksinimit
Në një konferencë për media, që është mbajtur sot në Bernë nga ora 14, Këshilli Federal ka dhënë informacionet kryesore për ofensivën e vaksinimit
Siç është bërë tashmë e ditur, Java kombëtare e vaksinimit në Zvicër zhvillohet nga 8 deri më 14 nëntor.
Gjaë javës në fjalë Këshilli Federal dëshiron të informojë sa më shumë njerëz lidhur me vaksinimet. Motoja është “Së bashku nga pandemia”. Kantonet, shoqatat dhe organizatat organizojnë aktivitete lokale informuese dhe ofrojnë oferta spontane vaksinimi, shkruan albinfo.ch duke ju referuar mediave zvicerane.
Gjithashtu, java e vaksinimit do të shoqërohet me një turne koncertesh me muzikantë zviceranë.
Në një konferencë për media, që është mbajtur sot në Bernë nga ora 14, Këshilli Federal ka dhënë informacionet kryesore për ofensivën e vaksinimit.
Ne konferencë kanë marrë pjesë: Presidenti Federal Guy Parmelin, Shef i Departamentit Federal të Çështjeve Ekonomike, Edukimit dhe Kërkimit (EAER); Këshilltari Federal Alain Berset, Shefi i Departamentit Federal të Çështjeve të Brendshme (FDHA); Lukas Engelberger, President i Konferencës së Drejtorëve të Shëndetësisë (GDK) dhe Këshilltar Kantonal i Basel-Stadt dhe Natalie Rickli, Drejtoreshë Shëndetësore e Kantonit të Cyrihut.
Presidenti federal Guy Parmelin: Ne të gjithë duam që pandemia të përfundojë”
Presidenti federal Guy Parmelin duke filluar konferencën për media, është shprehur: “Ne të gjithë duam që pandemia të përfundojë. Vaksinimet dhe certifikata Covid janë dy mjetet tona më të rëndësishme për të arritur këtë qëllim. Dhe, ky nuk është një dënim. Strategjia ka treguar se vaksinimi është efektiv, transmeton albinfo.ch. “Për të qenë të suksesshëm, duhet të këmbëngulim”, ka shtuar tutje Parmelin. Prandaj dhe po lansohet kjo fushatë e re vaksinimi”.
Ministri Berset: Java e vaksinimit, përpjekje që ja vlen
Ndërsa këshilltari Federal Alain Berset, ministër i shëndetësisë, duke prezantuar “Javën…” ka thënë se kuota e tashme e vaksinimit nuk mjafton për të dalë nga kriza. Prandaj, Qeveria Federale dëshiron të bëjë një përpjekje shtesë me kantonet për të promovuar fushatën e vaksinimit. Ofensiva e vaksinimit do të ketë kosto maksimale prej 96 milionë CHF për Qeverinë Federale.
“Qëllimi kryesor është dhënia e informacionit”, thotë Berset. Ata që janë të pavendosur duhet të marrin këshilla për vaksinimin, për shembull nga mjekët, përcjell albinfo.ch. Ekziston edhe një ofertë spontane vaksinimi. Kështu javën e ardhshme do të jenë në përdorim 42 automjete vaksinimi.
Berset më tutje ka treguar rreth përfitimeve të vaksinimit: Mesatarisht, me 50 vaksinime evitohet një shtrim në spital ndërsa me 150 vaksinime shmanget një qëndrim në njësinë e kujdesit intensiv. Përveç kësaj, vaksinimi ndihmon që të shmanget mbylljet e mëtejme (bllokimet).
Të ngjashme
Të tjera nga Tematike
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Vdekja e ushtarit në Bremgarten cilësohet si vetëvrasje Drejtësia ushtarake konsideron se vdekja e një ushtari të martën në terrenin e parakalimit të Bremgarten...
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën