Quinten: Vdes shoferi 71-vjeçar, ra nga 100 metra lartësi

Një makinë e përfshirë në një aksident dhe një burrë i pajetë u gjetën në Quinten mëngjesin e sotëm, teksa autoritetet konfirmuan se viktima kishte vdekur, shkruan blick.ch, përcjell albinfo.ch.
Një i afërm ka raportuar në qendrën e thirrjeve të urgjencës në St. Gallen mbrëmjen e së premtes se pas kontakteve të rregullta, prej disa orësh nuk kishte dëgjuar më me 71-vjeçarin, ndërsa zvicerani në rajon ishte i zënë duke punuar në një mal.

Më pas lindën dyshimet se 71-vjeçari mund të kishte rënë në një shpat të pjerrët në Quinten me makinën e tij, për këtë arsye u krye një operacion kërkimi me dronë, task-forcën Alpine dhe punonjës të tjerë të policisë së kantonit St. Gallen në bashkëpunim me Regën dhe shërbimin e shpëtimit alpin. Kjo u ndërpre gjatë natës së së shtunës dhe vazhdoi të shtunën në mëngjes.

Ecuria e aksidentit po zbardhet

Ndërkohë, makina dhe me sa duket shoferi 71-vjeçar janë gjetur në një kthinë në një terren të ashpër poshtë Sälsweg, sipas deklaratës së policisë kantonale të St. Gallen.

Sipas informatave të deritanishme, për arsye të panjohura aktualisht, makina e tij doli nga rruga dhe fillimisht zbriti nga një skaj i livadhit përpara se të binte rreth 100 metra poshtë shpatit të pjerrët.

 

 

---