Qytetarët e Kosovës e zgjedhin Shqipërinë për të kaluar fundjavën

Vetëm të shtunën në mëngjes kufirin e Shqipërisë e kanë kaluar 1500 shtetas me 400 automjete

Shqiptarët nga Kosova, duket se kanë një vend të preferuar për të kaluar fundjavën, edhe kur moti nuk është shumë i mirë. Ata zgjedhin Shqipërinë pa marr parasysh kohën.

Vetëm gjatë të shtunës dhjetëra mjete dhe autobusë kanë hyrë në Shqipëri me destinacion zonat bregdetare dhe Tiranën, raporton “TCH”.

“Do të shkojmë në Tiranë, në vendin tonë. Nuk jemi jabanxhinj”, shprehet një qytetar. “Do të shkojmë në Sarandë. Por, edhe në qytete të tjera. Rrugës do ta vendosim”, thotë një tjetër, përcjell albinfo.ch.

Gjithashtu ofertat e ndryshme për të kaluar fundjavën në Shqipëri ka bërë që një numër i madh i qytetarëve nga Kosova të zgjedhin Shqipërinë për të kaluar fundjavën. Edhe bregdeti është një tjetër arsye.

Kufirin e Shqipërisë e kanë kaluar 1500 shtetas me 400 automjete. Ky fluks është përballuar nga punonjësit e doganës me 5 sportele funksionale.