Lajme
Qyteti i Cyrihut ul tarifat për aplikantët për shtetësi
Meqenëse tarifat për natyralizimin lejohen vetëm për të mbuluar shpenzimet administrative dhe jo për të bërë fitim, autoritetet komunale në qytetin më të madh të Zvicrës kanë vendosur të ulin koston e procedurës
Tarifa e përpunimit do të bjerë nga 1200 franga aktuale, në 750 franga për aplikantët mbi moshën 25 vjeç që kërkojnë shtetësinë zvicerane në Cyrih, njoftoi Këshilli i qytetit të mërkurën.
Ata nën 25 vjeç do të vazhdojnë të kenë të drejtën e një procesi falas, shkruan The Local, përcjell albinfo.ch.
Megjithatë, ky ndryshim ka të bëjë vetëm me shtetësinë e dhënë në nivel komunal.
Aplikacionet e trajtuara nga autoritetet kantonale kanë tarifa të ndryshme – nga një minimum prej 500 frangash në më shumë se 3,000, në varësi të kantonit. Për shembull, tarifa mund të variojë nga 500–1,600 franga në kantonin e Jura, deri në 1,800–3,000 franga në Fribourg, në varësi të komunës ku jetoni.
Në Vaud, ju duhet të paguani 550 deri në 800 franga dhe 1000 franga në Valais.
Në Gjenevë, ndërsa tarifat dikur bazoheshin në të ardhurat, tani ato paguhen me një tarifë fikse, në varësi të moshës dhe nëse aplikoni si individ apo çift.
Sipas burimeve zyrtare, natyralizimi në Gjenevë kushton 300 franga për të miturit nga 11 deri në 17 vjeç; 850 franga për të rriturit nën 25 vjeç; 1250 franga për personat mbi 25 vjeç; 1,360 franga për çiftet, kur një person është nën 25 vjeç; 2000 franga për çiftet mbi 25 vjeç; dhe 300 franga për fëmijë të përfshira në procedurat e ndryshme, përcjell tutje albinfo.ch.
Po në nivel federal?
Kostoja e paraqitjes së një aplikimi pranë autoriteteve federale është relativisht e ulët (100 franga zvicerane për një të rritur, ose 150 franga për një çift).
Si përkujtim, një kërkesë për shtetësi duhet të miratohet në nivel kantonal, komunal dhe federal, ku fjalën e fundit e kanë autoritetet komunale.
Të ngjashme
Të tjera nga Lajme
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Swisscom gjobitet me 18 milionë CHF Swisscom është gjobitur me 18 milionë CHF për shkelje të ligjit të kartelit dhe konkurrencës së...
-
Ideja që i bashkon të gjitha partitë politike
-
Mori 1000 franga para bankomatit, 75-vjeçarja detyrohet t’i kthejë
-
Fitimet e Bankës Kombëtare të Zvicrës kthehen në nivel rekord
-
Komisioni zviceran kërkon që azilkërkuesit të deportohen në një vend të tretë