“Qyteti i së ardhmes”

Ky qytet pritet të ketë internet wi-fi të shpejtë, miliona sensorë, energji të qëndrueshme dhe vetura që voziten vetë

“Sidewalk Labs”, kompani që udhëhiqet nga Alphabeti, po planifikon të krijojë një qytet digjital në Toronto.

Alphabet, që është pronare edhe e gjigantit Google, po synon ta kthejë qytetin në një hapësirë të madhe me teknologji të mençur.

Ky qytet pritet të ketë internet wi-fi të shpejtë, miliona sensorë, energji të qëndrueshme dhe vetura që voziten vetë.

Kompanitë teknologjike janë duke bërë gati pajisjet e tyre harduerike dhe softuerët që do të kenë vlerë të madhe për qytetin në mbrojtje të ambientit.

Një ekspert i planit urbanistik nga SHBA-ja mendon se ky qytet duhet të përgatitet në masë të shkëlqyeshme dhe të sigurt në partneritetin publiko-privat.

“Qytetet po përpiqen të bëjnë çmos që të zgjerojnë ekonominë e tyre dhe të ndërtojnë infrastrukturën, por duhet të kuptojnë që kompanitë nuk do ta bëjnë këtë për ndihmë – ata janë të interesuar të kenë fitimet e tyre”, ka thënë Robert Puentes, shkruan BBC.

Projekti në Quayside është mirëpritur edhe nga kryeministri kanadez Justin Trudeau, përcjell albinfo.ch.

“Kjo do të krijojë një test për teknologjitë e reja. Teknologjitë do të ndihmojnë të ketë qytete të mençura dhe më të gjelbra”, ka thënë Trudeau.

Google do të dërgojë zyrat e veta të Kanadasë në këtë hapësirë për të cilën “Sidewalk Labs” ka nisur investimin e parë 50 milionë eurosh për projekt.