Rama flet për raportet me Kurtin, i referohet si mik, por s’pajtohet me politikën e tij

Acarimi i gjuhës politike mes kryeministrit të Kosovës Albin Kurti dhe atij të Shqipërisë Edi Rama ka ndikuar që Rama të mos pritet nga Kurti gjatë qëndrimit të tij në Prishtinë.

Por, në një intervistë për Klan Kosovën, Edi Rama tha se me Kurtin nuk ka asgjë personale, por vetëm s’pajtohet me politikën e tij, transmeton albinfo.ch.

“Kjo politikë është bërë pengesë, politika e gabuar, nuk e kam fare me personin. Nuk e godas kryeministrin Kurti. Unë mbaj qëndrim ndaj politikës së caktuar. Nuk kam asgjë personale. E kam mik dhe është njeri me të cilin debatoj me kënaqësi”, tha Rama.